Hiqet ndalesa për qarkullimin e kamionëve në Strazhë

Është hequr ndalesa për qarkullim të automjeteve të rënda transportuese në drejtimin rrugor Gostivar- Kërçovë përmes grykës malore Strazhë.

Ndalesa që u vendos në orën 09.45 për shkak të reshjeve të rrëmbyeshme të borës është hequr në orën 12:05.

Nga LAMM informojnë se mbetet në fuqi ndalesa për qarkullim për automjete të rënda transportuese në drejtimin rrugor Mavrovë- Dibër të vendosur në orën 09.30 poashtu për shkak të reshjeve të rrëmbyeshme të borës.