“Zelensky ka ikur”, lajmi është i rremë thotë Parlamenti i Ukrainës

Në faqen zyrtare të Parlamentit të Ukrainës thuhet se është shpërndarë një lajm i rremë nga rusët, se presidenti ukrainas, Volodymyr Zelensky, ka lëshuar Ukrainën.

“Rajoni i Khersonit! Okupuesit kanë lëshuar një rrenë tjetër se Presidenti Volodymyr Zelensky është larguar nga Ukraina. KJO NUK ËSHTË E VËRTETË!. Presidenti është në Kyiv. Është me popullin e tij”, thuhet në reagimin e lëshuar nga Parlamenti ukrainas, transmeton Gazeta Express.

Në njoftim kërkohet që të shpërndahet sa më shumë që është e mundur informata te banorët e rajonit të Khersonit, i cili ka rënë në duar të rusëve dhe thuhet se banorëve të atij rajoni u është thënë se Zelensky e ka lënë vendin.

Ushtria ruse po vazhdon të kontrollojë ndërtesat e qeverisjes lokale dhe rajonale në portin e Khersonit, kanë thënë autoritetet ukrainase, të cilat i ka cituar the Guardian.

Forcat ruse duket se po tentojnë t’i shkëpusin lidhjet e Ukrainën nga deti nëpërmjet porteve të saj kryesore jugore, duke zaptuar Khersonin.