Dikur ishte një nga serialet humoristike më të shikuara në vend, por pas disa sezonesh “O Sa Mirë” vendosi të ndalojë prodhimin.
Megjithatë duket se 2023-ta do të jetë vit i rikthimit për serialin e shumë shikuar, i cili krahas humorit në vazhdimësi ka promovuar kulturat dhe dialektet e trojeve të ndryshme shqiptare.
Burime të Telegrafit bëjnë me dije se organizatorët tashmë i janë përveshur punës që ta sjellin këtë serial në një format të ri.
Koncepti i diversitetit do të mbetet i njëjtë, por duket se skenari do të jetë më ndryshe.
Që tani kanë filluar përgatitjet me realizimin e audicioneve në Shqipëri, Kosovë e Maqedoni të Veriut dhe diasporë, gjersa nga tetori seriali do të jetë në transmetim.
Mbetet të shihet se në çfarë koncepti do të vijë sërish ky format i shumë shikuar.
