Ministria e Punëve të Brendshme ka kërkuar ndihmë nga qytetarët në identifikimin e huliganëve të cilit gjatë mbrëmjes së djeshme gjuajtën me molotov koktej drejt policëve para Kuvendit, përcjell TV21. MPB kërkon që çdokush që i njeh personat në video t’i paraqesë në polici ose të lajmërohet në numrin 192.
“Pavarësisht nëse kallëzimi është anonim apo jo, punonjësit e policisë do të veprojnë dhe në rast të vërtetimit të identitetit do të merren masat e duhura ligjore ndaj autorëve”, thuhet në njoftimin e MPB-së.
