Të nderuar veprimtarë të artit, të kulturës, të arsimit dhe të shkencës,
Kemi nderin t’ju njoftojmë se Shoqata për kulturë dhe art “Tradita” – Tetovë, më 10 qershor 2023, në Amfiteatrin “Abdylselam Emini”-UT, në orën 11:00, do ta mbajë Edicionin X të manifestimit kulturor “Lidhja na bashkon”.
Në kuadër të këtij manifestimi kulturor do të zhvillohen këto veprimtari:
– Shënimi i 145-vjetorit të Lidhjes së Prizrenit;
– Ndarja e Çmimit kombëtar “Ali Vishko” për vitin 2023;
– Ora letrare “Shtigje poetike”;
– Programi artistik.
Ju mirëpresim në manifestimin tonë dhe ju jemi mirënjohës që vite me radhë keni qenë pjesë e pandarë e veprimtarive tona arsimore, shkencore dhe kulturore–artistike.
Me respekt,
Selam Sulejmani
Kryetar i Shoqatës për kulturë dhe art “Tradita”
