Kërcënimi rus, Amerika shton 500 trupa ushtarakë në Evropë

Sekretari amerikan i Mbrojtjes Lloyd Austin urdhëroi që 500 trupa shtesë dhe mjete ushtarake amerikane të vendosen në pjesë të ndryshme të Evropës në mes të pushtimit të vazhdueshëm rus të Ukrainës për të mbështetur më aleatët e SHBA-së në NATO, u tha gazetarëve të hënën një zyrtar i lartë i mbrojtjes amerikane, shkruan CNN.

Departamenti i Mbrojtjes do të dërgojë gjithsej 500 trupa në këtë dislokim të ri, tha zyrtari.

Dislokimi do të përfshijë dërgimin e avionë KC-135 në Greqi, megjithatë zyrtari nuk zbuloi se sa avionë do të dërgohen.

Me trupat shtesë, SHBA ka rreth 100,000 personel ushtarak amerikan, qoftë me urdhra të përkohshëm ose të përhershëm, të stacionuar në Evropë tani, tha zyrtari.

Vendimi për dërgimin e trupave dhe mjeteve ushtarake “u bazua në bisedat që sekretari pati me kryetarin dhe me gjeneralin (Tod) Wolters, komandantin e komandës evropiane të SHBA-së, “që këto mundësi shtesë do të ishin të dobishme për forcat që janë tashmë” në Evropë, tha zyrtari./abcnews.al/