Miralem Pjanic ka sulmuar Maurizio Sarrin, duke thënë se ish trajneri i Juventusit nuk u besonte lojtarëve të tij dhe e vuri në dyshim profesionalizmin e tyre.
Sarri qëndroi vetëm një sezon te Juventus, ku fitoi titullin e Serie A, por u shkarkua pas eliminimit nga Liga e Kampionëve nga Lyon.
Pjanic tani është pjesë e Barcelonës, dhe sonte mund të debutojë në ‘El Clasico’, por nuk ka mundur të mos flas për kohën e tij te Juventus nën drejtimin e Sarrit.
“Ajo për të cilën ende pendohem është se Sarri nuk u besonte lojtarëve të tij, diçka që më shqetësonte mua”, ka deklaruar Pjanic, përcjell lajmi.net.
“Është e turpshme kur vlerësoni njerëzit gabim. Çdo lojtarë në atë zhveshtore gjithmonë dha dhe dhe do të jepte më të mirën për klubin dhe lojtarët”.
