Pep Guardiola ka pohuar se të gjithë duan që Liverpooli ta mposht Manchester Cityn në garën për titullin e Premier Ligës.
City bëri një hap të madh drejt titullit në fundjavë, pasi e mposhti Newcastle Unitedin me rezultat 5-0.
Liverpooli nga ana tjetër u ndal me barazim 1-1 nga Tottenhami të shtunën në mbrëmje, që do të thotë se ekipi i Guardiolës tani janë tri pikë përpara skuadrës së Klopp.
Trajneri katalanas në intervistën për “beIN Sports”, pretendoi se të gjithë duan që skuadra e ‘Reds’ të fitojë ligën, përcjell lajmi.net.
“Të gjithë në këtë vend mbështesin Liverpool-in, mediat dhe të gjithë
Liverpool së bashku me Manchester United janë skuadrat më të rëndësishme në histori për sa i përket titullit dhe trashëgimisë. Por nuk më intereson nëse njerëzit duan që Liverpooli të fitojë më shumë se ne. Ndoshta ka më shumë njerëz në mbarë botën dhe Anglia e mbështet Liverpoolin më shumë se ne”, tha Guardiola.
Manchester City kanë tri pikë më shumë se Liverpooli, derisa kanë mbetur edhe tri xhiro të fundit në Premier Ligë.