E ardhmja e portierit anglez Jordan Pickford në Everton është në dyshime në muajt e ardhshëm dhe i njëjti mund të shitet së shpejti.
Klubi nga Goodison Park ende nuk ka rënë dakord t’i ofrojë atij një kontratë të re pesëvjeçare.
Kishte një sugjerim që një marrëveshje ishte arritur vetëm para Kupës së Botës, por ende nuk ka diçka të tillë.
Sipas mediumit Daily Mail, Pickford mund të shitet në verë nëse nuk nënshkruan një kontratë të re deri atëherë.
Klubet e mëdha si Manchester United, Tottenham Hotspur dhe Chelsea tani janë të alarmuar për mundësinë e shitjes së portierit anglez nga Evertoni.
Pickford ka vetëm 18 muaj të mbetur në kontratën e tij, dhe ai madje mund të besojë se mund të bëjë te ndonjëri prej klubeve tjera më mirë se te Toffees.
Për sezonin e dytë radhazi, Everton duket se është i përfshirë në një luftë për rënie nga kategoria.
