Kuvendi i Kosovës ka përfshirë në rend të ditës marrëveshjen e Kosovës me Korporatën e Sfidave të Mijëvjeçarit (MCC) për projektin Kompakt për energji, e cila u nënshkrua dje në Washington.
Mocioni i propozuar nga kryetari i Komisionit për Ekonomi, Ferat Shala, mori përkrahjen e të gjithë deputetëve të pranishëm.
Kosova dhe MCC kanë nënshkruar në Washington Programin e ri Kompakt, i cili pritet të forcojë pavarësinë energjetike të Kosovës dhe në të njëjtën kohë t’i kursejë shtetit miliona euro në vit.
Vlera e kësaj marrëveshje ndërkombëtare është 236.7 milionë euro.
