Prokuroria Themelore Publike në Gostivar ka nisur procedurë kundër dy personave për kryerjen e veprës penale – Mosveprimi në përputhje me rregulloret shëndetësore gjatë një epidemie, respektivisht për shkelje të nenin 206 paragrafi 1 nga Kodi Penal, transmeton Alsat. Të dy personat, megjithëse kishin vednim për izolim shtëpiak, janë larguar nga shtëpia e tyre, i pari ka shkuar në një farmaci për të blerë ilaçe ndërsa personi i dytë ka udhëtuar për në Gjermani.
“I akuzuari i parë nga fshati Reçicë e Madhe, të cilit i ishte caktuar mbikëqyrja e detyrueshme shëndetësore dhe izolimi shtëpiak, nuk veproi në përputhje me vendimin e autoriteteve shëndetësore, kështu që më 3 nëntor 2020 ai u largua nga shtëpia. Vetëm djali i tij u gjet në adresën e deklaruar të shtëpisë, i cili tha se nuk e dinte se ku ishte babai i tij. Të nesërmen, policia intervistoi të pandehurin, i cili konfirmoi se ai ishte larguar nga shtëpia, kishte ecur përgjatë lumit Vardar për në fshatin Raven dhe prapa, dhe se kishte blerë ilaçe nga një farmaci dhe është kthyer në shtëpi” thuhet në deklaratën e Prokurorisë Publike.
I pandehuri i dytë, siç informojnë nga Prokuroria Publike, gjithashtu kishte vendim për trajtim dhe izolim shtëpiak, që ishte lëshuar nga Inspektorati Sanitar Shtetëror me datë 06.02.2021. Personi në fjalë duhej të qëndronte në izolim në shtëpi në fshatin Raven. Sidoqoftë, më 12 shkurt 2021, ai u largua nga vendi pa leje dhe u nis nga Aeroporti Ndërkombëtar në Shkup për në Aeroportin e Mynihut Gjermani.
Për dy të pandehurit, Prokuroria Themelore Publike në Gostivar ka paraqitur propozime deri tek Gjykata Themelore në Gostivar që të shqiptohen gjoba.
