Hasan Salihamidzic ka konfirmuar planet e Bayern Munich për Marcel Sabitzer.
Transferimi i Sabitzer nuk doli të ishte aq i qëlluar për skuadrën e Bayern Munich por këta të fundit nuk kanë humbur besimin në lojtarin.
Skuadra bavareze ka plane të mëdha për merkaton dhe duket se shumica po i ecin mirë.
Kampionët e Bundesliga do të zyrtarizojnë transferimin e Noussair Mazraoui së shpejti, derisa Salihamidzic konfirmon edhe planet për Sabitzer, përcjell lajmi.net.
“Ne besojmë në të. Bisedimet me agjentin e tij po ecin mirë”, ka thënë Salihamidzic, drejtor sportiv te Bayerni.
“Ne duam ta kthejmë atë në formën e tij të dikurshme”, shtoi ai.
Përveç dy emrave, Bayern pritet të bëjnë lëvizje edhe për Ryan Gravenberch dhe të rinovojnë me Manuel Neuer.
