“Vllaznia” dhe FRI ndihmojnë qindra familje nga Kumanova e Likova (VIDEO)

Këto pako me ushqime që përmbajnë mbi 20 produkte do të shpërndahen falas për familjet në nevojë gjatë Ramazanit. Vetëm të premten aktivistët e shoqatës “Vllanznia” dhe ata të FRI-së në Kumanovë, kanë ndihmuar 100 familje. Që nga fillimi i këtij muaji të shenjtë për besimtarët myslimanë, ndihma kanë marrë të paktën 200 familje në rajonin e Kumanovës dhe Likovës. Ndihma janë paraparë edhe për festën e Bajramit. Ky është viti i 13-të që realizohet aksioni “Shporta e Ramazanit” i cili bëhet i mundur përmes donacioneve të qytetarëve.