FC Barcelona dëshiron që në verën e ardhshme të kompletojë transferimin e yllit të Borussia Dortmundit, Erling Haaland.
Në fakt, Barcelona është aq e interesuar për norvegjezin, sa që trajneri Xavi Hernandez ka udhëtuar për në Munih që të bisedojë personalisht, transmeton lajmi.net.
Sipas “L’Esportiu de Catalunya”, trajneri i Barcelonës udhëtoi për në Munih ku është duke u shëruar Haaland nga lëndimi i fundit muskulor.
Të martën nuk pati asnjë stërvitje dhe Xavi ishte në gjendje të përfitonte nga dita e pushimit për të fluturuar në Gjermani. Burime pranë trajnerit të Barcelonës as nuk e konfirmojnë dhe as e mohojnë udhëtimin dhe samitin me Haaland, duke bërë të qartë se preferohet të mos flitet shumë për këtë çështje për ta lidhur përballë konkurrencës së ashpër.
Në të njëjtat informacione u përmend se Jordi Cruyff kishte shoqëruar Xavi në Munih, por anëtari i drejtuesve të sportit të Barçës mohoi për këtë gazetë se kishte shkuar për të folur me Haaland duke pranuar se kishte qenë në Londër me Mateu Alemany për të negociuar ardhjen e Andreas Christensen nga Chelsea.
Xavi tashmë është përfshirë në operacione të tjera. Egarense foli me Dani Alves dhe Ferran Torres para nënshkrimeve, përpara se ta bënte këtë me agjentin e Ousmane Dembele pas disa bisedave me vetë anësorin francez dhe së fundmi ka folur me Frank Kessie (Milan), objektiv për sezonin e ardhshëm.
