Trajneri i Barcelonës, Xavi Hernandez ka thënë se nuk ka gënjeshtra për tifozët – Blaugranët kanë nevojë për nënshkrime të mëtejshme për të vazhduar konkurrencën në nivelin më të lartë.
Skuadra fituese e titullit humbi Sergio Busquets, Jordi Alba dhe Samuel Umtiti më herët gjatë verës dhe transferuar dyshen Ilkay Gundogan dhe Inigo Martinez.
Megjithatë, Xavi u tha mediave se ata kishin ende nevojë për më shumë nënshkrime.
“Neve ende na mungojnë disa pjesë, nuk mund t’i mashtrojmë tifozët. Mendoj se mund të forcohemi më shumë, por stafi teknik po punon shumë, presidenti po bën një punë shumë të mirë”, ka thënë fillimisht Xavi.
“Ne duhet të forcojmë veten, presidenti e di këtë, Mateu Alemany e di këtë, ne nuk duhet të mashtrojmë askënd. Tregu do të jetë i gjatë, është i hapur deri më 31 gusht dhe ne duhet të jemi sa më konkurrues”.
Tutje, Xavi ka konfirmuar se dëshiron që në veçanti dy pozita të forcohen, pozita e Busquets dhe mbrojtësit të djathtë, para përfundimit të afatit kalimtar, përpara sezonit të ardhshëm.
“Ne kemi shumë opsione, por ata nuk janë natyral. Eric, Frenkie nuk janë lojtarë natyralë për atë pozicion”.
“Mbrojtës i djathtë? Do të shohim se sa larg mund të arrijmë [për sa i përket burimeve]. Do të donim të forcoheshim aty, por ne varemi nga merkato dhe ‘fair play’. Do të ishim të ngazëllyer për të forcuar pozicionin”, përfundoi trajneri i Barçës.
