Bashkimi Europian ka gati task-forcën për fillimin e negociatave për një partneritet të ri me Britaninë e Madhe, deklaroi presidentja e Komisionit Europian, Ursula von der Leyen në seancën plenare të parlamentit të BE-së në Strasburg.
‘’Ne fillojmë këto negociata me shumë ambicie sepse miqtë e vjetër si ne nuk duhet të kënaqen me pak’’, deklaroi Von der Leyen.
‘’Besoj se me Britaninë e Madhe do të arrijmë zero detyrime dhe zero kuota për të gjitha mallrat, diçka që kurrë nuk i kemi ofruar askujt tjetër, një model të ri unik të biznesit në lidhje me qasjen në tregun e brendshëm”, përfundoi ajo.
