Ende po analizohet situata për dorëzimin eventual të propozimit të ri për ministër për Punë dhe Politikë Sociale, ndërsa konform Komitetit qendror dhe ekzekutiv, kryetari i partisë e ka autorizimin për atë vendim, ka thënë sot deputetja e VMRO-DPMNE-së, Bllagica Llasovska.
Sipas Llasovskës, e cila ka dhënë deklaratë para fillimit të seancës parlamentare ku duhet të votohen ligjet e PP-së dhe të Këshillit të Prokurorëve publik, VMRO-DPMNE shpreson se Kuvendi sot do të shpërndahet dhe do të ketë zgjedhje më 12 prill siç janë dakorduar te presidenti i shtetit, Stevo Pendarovski.
“Nëse politikanët e shumicës parlamentare janë serioz, atëherë duhet të mbeten në marrëveshjen dhe Kuvendi të shpërndahet”, ka thënë Llasovska.
Ajo ka komentuar edhe shkarkimin e ish ministres, Rashela Mizrahi.
“Ajo nuk ka shkelur as ligjin e as Kushtetutën. Përkundrazi e shkarkuan pasi e zbuloi dhe nuk ka heshtur për krimin i cili ka qenë më parë në ministri, punën e papërgjegjshme dhe paaftësinë e kuadrove të LSDM-së”, ka thënë Llasovska.
