Moska nuk do të kundërshtonte një takim midis ministrit të Jashtëm Sergej Lavrov dhe homologut të tij ukrainas Dmytro Kuleba, transmeton “Bota sot”.
Megjithatë, bisedimet duhet të jenë thelbësore, citoi agjencia e lajmeve RIA Ministrinë e Jashtme ruse – pa hyrë në detaje se çfarë saktësisht nënkuptohet me këtë.
Ndërkohë, ministri i jashtëm turk Mevlut Çavusoglu tha se Turqia po punon për të bashkuar ministrat e jashtëm të Ukrainës dhe Rusisë për bisedime të mëtejshme.
Cavusoglu tha se një takim i ministrave të jashtëm mund të zhvillohet brenda dy javësh./M.L.
Ish-kampioni botëror i boksit Wladimir Klitschko ka udhëtuar drejt Gjermanisë me një delegacion nga kryeqyteti ukrainas, Kiev.
“Takime me politikanë të rangut të lartë janë planifikuar për mbështetjen politike të Ukrainës”, tha vëllai i tij Vitali, kryebashkiak i Kievit, të enjten në kanalin e lajmeve Telegram
Bëhet fjalë për ndihmë ekonomike, humanitare dhe ushtarake për shtetin e sulmuar nga Rusia./M.L.
Presidenti ukrainas Volodymyr Zelenskyy bëri thirrje për sanksione të reja dhe më të forta kundër Rusisë në një fjalim në parlamentin e Australisë, raporton Sky News, transmeton “Bota sot”.
Australia ka furnizuar Ukrainën me pajisje mbrojtëse dhe furnizime humanitare pasi Rusia pushtoi vendin më 24 shkurt.
Ajo gjithashtu ka ndaluar eksportet e aluminit dhe xeheve, duke përfshirë boksitin, në Rusi dhe ka vendosur gjithsej 476 sanksione për 443 individë.
Thirrjet e fundit vijnë pasi Zelensky mbrëmë tha se tani ishte një “pikë kthese” në luftën e Ukrainës me Rusinë, duke shtuar se deri më tani në bisedimet e paqes nuk kishte “asnjë specifikë”./ A.SH
Trupat ruse po tërhiqen nga zona bërthamore e Çernobilit dhe po kthehen drejt Bjellorusisë në një rënie të madhe, kanë pohuar burimet ushtarake amerikane, shkruan The Sun, përcjell Bota sot.
Vendi i tragjedisë bërthamore të vitit 1986 në Ukrainën veriore u kap në ditët e para të luftës, duke shkaktuar frikën e një fatkeqësie të madhe radioaktive si rezultat i luftimeve të ashpra rreth uzinës.
Burimet nga Pentagoni kanë raportuar se forcat ruse po “largohen” nga objekti i Çernobilit dhe po shkojnë në veri drejt Bjellorusisë.
“Çernobili është një zonë ku ata rusët kanë filluar të rivendosin disa nga trupat e tyre”, tha zyrtari.
Ata shtuan se rusët “po largohen nga objekti i Çernobilit dhe po shkojnë në Bjellorusi”.
Zyrtari vazhdoi: “Ne mendojmë se ata po ikin, nuk mund t’ju them se janë zhdukur të gjithë”.
Forcat kryengritëse ruse po sabotojnë armët e tyre dhe po refuzojnë të zbatojnë urdhrat mes vdekjeve në rritje të Ushtrisë së Kuqe, ka zbuluar një shef i spiunazhit në Mbretërinë e Bashkuar, shkruan The Sun, përcjell Bota sot.
Vladimir Putin “masovikisht keqvlerësoi” se sa e vështirë do të ishte pushtimi i Ukrainës, por është i vendosur në “luftën e tij personale” – edhe pse ushtarët e tij të ushqyer keq dhe të armatosur po heqin dorë.
Kjo erdhi pasi pamjet treguan rekrutët e dëshpëruar që ankoheshin se ishin “hedhur në m**” me pushkë të viteve 1940 që nuk funksionojnë. (Videon mund ta shihni KËTU)
Avionët janë rrëzuar nga zjarri miqësor dhe “komandimi dhe kontrolli i Rusisë është në kaos”, do të thotë shefi i GCHQ, Sir Jeremy Fleming.
Shtatë autobusë me ushtarë rusë që vuajnë nga sindroma akute e rrezatimit thuhet se kanë mbërritur në Bjellorusi nga zona e përjashtimit të Çernobilit të Ukrainës, shkruan Blick.ch transmeton “Bota sot”.
Kjo është raportuar nga Yaroslav Yemelianenko, një anëtar i agjencisë shtetërore të Ukrainës, përgjegjës për zonën e kufizuar. Yemelianenko citon një stacion televiziv bjellorus në faqen e tij në Facebook.
Sipas raportimeve, ushtarët u dërguan në qendrën për mjekësi radiologjike në qytetin Homel. Ushtarët rusë dërgohen atje rregullisht.
Vetëm mund të spekulohet për arsyet e rrezatimit. Një shpjegim është se ushtarët rusë mund të jenë urdhëruar nga oficerët e tyre për të hapur llogore brenda zonës së përjashtimit radioaktiv.
Një shpjegim tjetër mund të jetë se ushtarët besonin që shkrirja më e famshme radioaktive në histori ishte vetëm dezinformim perëndimor./M.L.
Seven busses packed with Russian soldiers suffering from Acute Radiation Syndrome arrived to #Belarus from the #Ukrainian #Chernobyl exclusion zone. Source: member of public council of state #Ukraine agency of exclusion zone Yaroslav Yemelyanenko via Unian news agency.
— Victor Kovalenko (@MrKovalenko) March 30, 2022
Forcat ruse po vazhdojnë të bombardojnë Chernihiv pavarësisht premtimeve për të zvogëluar “në mënyrë dramatike” operacionin e saj ushtarak rreth qytetit, ka thënë Ministria e Mbrojtjes (MM), raporton Sky news, përcjell “Bota sot”.
Ndërsa lufta në Ukrainë hyn në ditën e saj të 36-të, trupat e Kremlinit “vazhdojnë të mbajnë pozicione në lindje dhe perëndim të Kievit” pavarësisht tërheqjes së disa prej njësive të tij.
Analiza e fundit vjen pasi ushtria ruse tha se do të shkurtonte operacionet pranë Kievit gjatë bisedimeve të paqes në Stamboll këtë javë.
Ministria e Mbrojtjes tha gjithashtu se “luftimet e ashpra do të zhvillohen” në periferi të Kievit në ditët në vijim, ndërsa luftimet e ashpra vazhdojnë në Mariupol – një objektiv kryesor i forcave ruse./AM
Këto fotografi tregojnë shkatërrimin në një depo nafte në rajonin lindor të Ukrainës, Luhansk.
Ato u publikuan nga kreu i Administratës Shtetërore Rajonale të Luhanskut dhe pretendojnë se tregojnë pasojat e granatimeve të vendit në Lysychansk, shkruan BBC, transmeton “Bota sot”.
BBC nuk ka qenë në gjendje të verifikojë në mënyrë të pavarur këto foto./ A.SH
Drejtori i inteligjencës ushtarake franceze, gjenerali Eric Vidaud, do të shkarkohet nga posti i tij.
Kjo si pasojë e mospërfilljes së mundësisë së pushtimit të Rusisë në Ukrainë, raporton BBC, përcjell “Bota sot”.
Duke cituar një burim të brendshëm në Ministrinë e Forcave të Armatosura, media lokale l’Opinion tha se gjenerali Vidaud u shkarkua për shkak të “informacioneve të pamjaftueshme” dhe “mungesës së zotërimit të temave”.
Shefi i Shtabit të Mbrojtjes së Francës, Thierry Burkhard, pranoi në një intervistë për Le Monde se shkarkimi erdhi kur shërbimet e inteligjencës franceze – përfshirë Vidaud – kuptuan se kishin bërë një analizë të gabuar të kërcënimit rus në Ukrainë, që binte ndesh me vlerësimin e SHBA./AM
Ministria ruse e mbrojtjes ka njoftuar një armëpushim në qytetin port të rrethuar të Ukrainës, Mariupol, duke filluar nga mëngjesi i së enjtes, për të lejuar evakuimin e civilëve.
“Që ky operacion humanitar të ketë sukses, ne propozojmë që të kryhet me pjesëmarrjen e drejtpërdrejtë të Komisionerit të Lartë të OKB-së për Refugjatët dhe Komitetit Ndërkombëtar të Kryqit të Kuq”, tha ministria në një deklaratë të cituar nga Agence France-Press të mërkurën, përcjell “Bota sot”.
Korridori humanitar nga Mariupol në Zaporizhzhia – përmes qytetit të kontrolluar nga Rusia, Berdiansk – do të hapet në orën 1000 me orën lokale (0700 GMT)
Ukraina nuk e ka komentuar njoftimin.
Përpjekjet e mëparshme për të vendosur një armëpushim në Mariupol kanë dështuar mes akuzave për keqbesim nga të dyja palët. Rusia është akuzuar gjithashtu se ka zhvendosur me forcë mijëra civilë në Rusi ose në zonat e kontrolluara nga Rusia.
Njoftimi vjen pasi fotot e reja satelitore treguan shkatërrimin e shkaktuar nga granatimet.
OKB: Dy miliardë njerëz jetojnë në zona konflikti
Shefi i OKB-së tha të mërkurën se një e katërta e popullsisë së botës, dy miliardë njerëz, jetojnë sot në zona konflikti dhe bota po përballet me numrin më të madh të konflikteve të dhunshme që nga viti 1945, kur përfundoi Lufta e Dytë Botërore.
Sekretari i Përgjithshëm i OKB-së Antonio Guterres përmendi konfliktet nga Jemeni, Siria, Mianmari dhe Sudani deri tek Haiti, zona e Sahelit në Afrikë, “dhe tani luftën në Ukrainë, një katastrofë që tronditi themelet e rendit ndërkombëtar, duke u përhapur përtej kufijve dhe duke shkaktuar rritje në çmimit të artikujve ushqimor, karburantit dhe plehrave që do të ketë pasoja katastrofike për vendet në zhvillim.”
Zoti Guterres i tha Komisionit të OKB-së për Ndërtimin e Paqes të mërkurën se vitin e kaluar 84 milionë njerëz u detyruan të largoheshin nga shtëpitë e tyre për shkak të konfliktit, dhunës dhe shkeljeve të të drejtave të njeriut.
Sipas agjencive të OKB-së, kjo nuk përfshin luftën në Ukrainë, e cila ka shkaktuar largimin e 4 milionë njerëzve nga vendi dhe zhvendosjen e 6.5 milionë njerëzve të tjerë brenda vendit.
Zoti Guterres tha se OKB-ja vlerëson se këtë vit “të paktën 274 milionë do të kenë nevojë për ndihmë humanitare”. Sipas zyrës së OKB-së për ndihmat humanitare, kjo përfaqëson një rritje prej 17% krahasuar me vitin 2021 dhe do të duhen 41 miliardë dollarë për të ndihmuar 183 milionë njerëzit e tjerë në nevojë./VOA
31.03.2022 – 06:47
Fleming: Rusia po kërkon objektiva për sulme kibernetike në vendet që kundërshtojnë luftën në Ukrainë
Një nga drejtuesit e zbulimit britanik paralajmëroi se Kremlini është në kërkim të objektivave kibernetike dhe po dërgon mercenarë për të mbështetur fushatën e tij ushtarake të ngecur në Ukrainë.
Jeremy Fleming, i cili drejton agjencinë britanike të spiunazhit elektronik GCHQ, vlerësoi “operacionin informativ” të presidentit ukrainas Volodymyr Zelenskyy si shumë efektiv kundër përpjekjeve masive të Rusisë për dezinformim dhe përhapje të propagandës për luftën në Ukrainë.
Ndërsa kishte pritshmëri që Rusia do të fillonte një sulm të madh kibernetik si pjesë e fushatës së saj ushtarake, zoti Fleming tha se një veprim i tillë nuk ka qenë kurrë pjesë qendrore e strategjisë standarde të Moskës për luftën.
“Kjo nuk do të thotë se ne nuk kemi parë përpjekje kibernetike në këtë konflikt. Ka patur shumë aktivitete kibernetike”, tha Fleming në një fjalim në Kanberra të Australisë, thuhet në një njoftim të publikuar të mërkurën në Londër./VOA
Presidenti ukrainas Volodymyr Zelensky ka thënë se Ukraina po përgatitet për një ofensivë të re ruse në Ukrainën lindore.
“Ka një grumbullim të trupave ruse për sulme të reja në Donbas. Dhe ne po përgatitemi për këtë,” tha ai në deklaratë.
Ai shprehu skepticizëm ndaj deklaratës së Rusisë në negociatat për të zvogëluar operacionet ushtarake rreth kryeqytetit, Kiev, dhe një tjetër qytet kryesor Chernihiv.
“Ne nuk i besojmë askujt – nuk i besojmë asnjë ndërtimi të bukur verbal,” tha Zelensky.
Ai tha se nuk kishte asnjë arsye për të besuar njoftimin e Rusisë se do të reduktonte aktivitetin ushtarak pranë këtyre qyteteve, duke pasur parasysh se forcat ruse kishin vazhduar të godasin Kievin dhe Chernihivin me sulme një ditë pas marrjes së këtyre premtimeve.
Granatime vdekjeprurëse u raportuan gjithashtu në Irpin, së bashku me sulme të intensifikuara në rajonin e Donbas.
Zelensky gjithashtu ripohoi angazhimin e Ukrainës për të mbrojtur territorin e tyre, duke thënë: “Ne nuk do të heqim dorë nga asgjë. Dhe ne do të luftojmë për çdo metër të tokës tonë, për çdo person”.
Traktati i Versajës, që i dha zyrtarisht fund Luftës së Parë Botërore dhe vendosi një rend të ri të pasluftës, nisi me një statut që parashikonte krijimin e një organizate të re. I quajtur Pakti i Lidhjes së Kombeve, organi i ri synonte të zgjidhte mosmarrëveshjet ndërkombëtare në mënyrë paqësore.
Më e rëndësishmja: ai i angazhoi anëtarët e tij të “respektonin dhe ruanin kundër agresionit të jashtëm integritetin territorial dhe pavarësinë ekzistuese politike të të gjithë anëtarëve të Lidhjes”. Ai premtim, neni X i paktit, ishte vepër e presidentit të atëhershëm të SHBA-së, Udrou Uillson.
Ai drejtoi komitetin në Konferencën e Paqes të Parisit të vitit 1919 që hartoi këtë dokument. Historiani Xhon Kuper e përshkruan Nenin X si “kontributin e veçantë të Uillsonit”. Në fakt ai nen do të ndihmonte në shkatërrimin e Lidhjes së Kombeve.
Kundërshtarët e hyrjes së SHBA-së në këtë pakt, si senatori Henri Loxh, thanë se neni e detyronte SHBA-në të rreshtohej në mbrojtje të çdo vendi në mbarë botën, duke e përfshirë atë në konflikte në të cilat nuk kishte asnjë interes jetik.
Presidenti ukrainas Volodymyr Zelensky ka thënë se vendi i tij është në një “pikë kthese”.
Ai hodhi gjithashtu dyshime mbi pretendimet e Rusisë se po de-përshkallëzon luftimet në vendin e tij, duke e quajtur atë si pararendës të “sulmeve të reja” në rajonin lindor të Ukrainës, Donbas, raporton BBC, përcjell “Bota sot”.
Në një fjalim televiziv, Zelensky tha se “e ashtuquajtura tërheqje” e forcave ruse larg Kievit është “pasojë e punës së mbrojtësve tanë”.
“Ne nuk i besojmë askujt. Asnjë fjalë të vetme”. tha ai. “Ka një situatë reale në fushën e betejës dhe kjo është gjëja më e rëndësishme. Ne nuk do të japim asgjë.”
Në mënyrë të ngjashme, Zelensky tha se ndërsa bisedimet e paqes midis Ukrainës dhe Rusisë janë duke vazhduar, tani për tani “këto janë vetëm fjalë, ende nuk ka specifika”.
Zelensky tha gjithashtu se Ukraina ka të drejtë të kërkojë armë nga komuniteti ndërkombëtar, duke përfshirë avionët dhe artilerinë.
“Liria duhet të jetë e armatosur ashtu si edhe tirania,” tha ai./AM
Bisedimet e paqes midis Rusisë dhe Ukrainës do të fillojnë sërish më 1 prill, ka thënë negociatori ukrainas David Arakhamia.
Në një postim të cituar nga Reuters, Arakhamia tha se Ukraina kishte propozuar që liderët e të dy vendeve të takoheshin, por Rusia refuzoi, duke thënë se duhej më shumë punë për një projekt-traktat, përcjell ‘Bota sot’.
Në bisedimet të martën, Arakhamia tha se ishte bërë përparim i mjaftueshëm për të lejuar një takim të ardhshëm midis Volodymyr Zelensky të Ukrainës dhe Vladimir Putin të Rusisë dhe se propozimet i ishin dërguar Rusisë.
Ndërsa zyrtarët ukrainas kanë thënë se kishte disa shenja optimizmi nga bisedimet e paqes, ata kanë thënë se janë duke pritur për të parë se çfarë do të nënkuptojnë pretendimet e Rusisë se planifikon të de-përshkallëzojë luftimet në terren.
Mund të duhet të paktën një vit që Ukraina të mbajë një referendum për neutralitetin e saj, sipas kreut të delegacionit të Ukrainës në bisedimet e paqes me Rusinë, raporton BBC, përcjell “Bota sot”.
Neutraliteti ukrainas është një kërkesë kryesore ruse për t’i dhënë fund luftës. Në fillim të kësaj jave, presidenti ukrainas Volodymyr Zelensky u shpreh se është i hapur ndaj kësaj ideje, me kusht që Ukraina të marrë garanci sigurie.
Në një intervistë televizive, negociatori ukrainas David Arakhamia tha se një vendim i tillë duhet të merret përfundimisht nga populli i Ukrainës – në vend të politikanëve – në një referendum kombëtar.
Shpallja e neutralitetit, tha ai, do të kërkonte tre milionë nënshkrime për t’u regjistruar.
“Kjo është një procedurë e madhe që nuk mund të zhvillohet jashtë territorit paqësor,” tha ai.
