Boris Johnson ka pranuar se Britania e Madhe mund të kishte vepruar më shpejt në lëshimin e vizave për refugjatët ukrainas.
I pyetur nga “Good Morning Britain” i ITV-së për mijëra gra dhe fëmijë që ende presin që të lëshohen vizat e tyre, kryeministri britanik tha “A mund ta kishim bërë më shpejt? Po, ndoshta ne mund ta bënim”.
Por, Johnson mbrojti vendimin për të mos lejuar udhëtimin pa viza për ukrainasit, siç kanë bërë vendet e tjera evropiane, si një masë paraprake sigurie për të “mbrojtur sistemin për ata që mund të duan të abuzojnë me të”.
