“Më lër të flas” nga Romeo e Donald Veshaj është duke u kritikuar ditët e fundit.
Përmes disa faqeve në ‘Instagram’, është zbuluar se skenat nga emisioni janë të kopjuara nga diku tjetër, shkruan lajmi.net.
Batutat janë të kopjuara nga grupi italian “The Jackal”, të cilët postojnë video në ‘YouTube’.
Ky nuk është thjesht një frymëzim apo huazim pasi batutat dhe gjestet janë të kopjuara fjalë për fjalë.
Jo vetëm kaq por dhe loja me karaoke është e kopjuar nga Jimmy Fallon, i cili e bën këtë lojë nga emisioni i tij “The tonight show”.
Së fundi dhe një problematike tjetër është shfaqur në lidhje me këtë lojë pasi realizimi i saj linte për të dëshiruar.
Në puntatën e fundit të emisionit “Më lër të flas”, ku ishin të ftuara bukuroshet Megi Pojani dhe Beniada, vajzat duhet të këndonin karaoke me një këngë të njohur.
Ato duhen të dinin tekstin përndryshe do spërkateshin nga mikrofoni me qumësht. Ndryshe nga java e kaluar ku në vend të qumështit u spërkat ujë në fytyrat e reperave Mc Kresha dhe Lyrical, ky veprim ngjalli reagime të forta nga fansat. Shumica i konsideruan këto veprime mjaft seksiste kundrejt vajzave./Lajmi.net/
