Në Shkup, Instituti për Politika Publike Arbën Xhaferi mbajti promovimin e librit me titull: “Bullgarët dhe serbët në artikujt e gazetës ‘Shkupi’ (1911-1912)” të autorëve dr. Ardian Limani dhe dr. Anton Pançev.
Takimin e hapi drejtori i IPP Arbën Xhaferi, Arben Fetai, i cili foli rreth punës së bërë deri në realizimin e këtij projekti me rëndësi për studiuesit e historisë dhe jo vetëm.
Më pas të pranishmëve u drejtua dr. Benik Emini, në cilësinë e redaktorit të librit i cili diskutoi për gjendjen kur u shkruan artikujt në faqet e gazetës “Shkupi”.
Në fund, fjalën e morën bashkautorët dr. Limani dhe dr. Pançev, të cilët shpalosën pjesë të ndryshme nga përmbajtja e librit.
Në këtë promovim, përveç studiues të historisë, morën pjesë edhe funksionarë shtetërorë, diplomatë të huaj, gazetarë, aktivistë të shoqërisë civile dhe dashamirë të librit shqip./Gazeta Lajm
