Tregtia e jashtme e Kinës pritet të mbetet në një interval të arsyeshëm në vitin 2022, pavarësisht pasigurisë dhe presionit, deklaroi Guo Weimin, zëdhënës i Sesionit të pestë të Komitetit të 13-të Kombëtar të Konferencës Konsultative Politike të Popullit Kinez (KKPPK), organi më i lartë këshillimor politik i Kinës, citon “Xinhua”.
“Sektori i tregtisë së jashtme të Kinës ka një bazë të fortë industriale dhe elasticitet të fortë”, -tha Guo gjatë një konference shtypi.
Të dhënat zyrtare tregojnë se tregtia totale e mallrave kineze u rrit një nivel në vitin 2021, duke tejkaluar 6 trilionë dollarë për herë të parë, pavarësisht se pandemia vazhdon të rëndojë tregtinë ndërkombëtare.
Përballë situatës komplekse në Kinë dhe jashtë saj, anëtarët e Komitetit dhanë disa sugjerime, duke përfshirë përshpejtimin e zhvillimit të formave të reja të biznesit si tregtia elektronike ndërkufitare dhe magazinat jashtë shtetit, duke promovuar integrimin e tregtisë së brendshme dhe të jashtme, si dhe përmirësimin e digjitalizimit të tregtisë.
Ai shtoi se tregtia e jashtme e Kinës ka parë një hap të madh përpara gjatë viteve, duke theksuar se për sa i përket strukturës së saj të tregtisë së jashtme, kombi aziatik aktualisht eksporton jo vetëm produkte parësore, por edhe një numër të madh artikujsh.
“Në të njëjtën kohë, ndërmarrjet mikro, të vogla dhe të mesme po luajnë një rol gjithnjë e më të rëndësishëm në mbështetjen e tregtisë së jashtme të vendit, së bashku me ndërmarrjet shtetërore të administruara nga qendra dhe kompanitë e financuara nga jashtë”, -përfundoi Guo. (Irma)
