Trajneri i Belgjikës, Roberto Martinez ka folur për lëndimin e sulmuesit të Chelsea, Romelu Lukaku.
Në ndeshjen e parë të Belgjikës në kuadër të Ligës së Kombeve Lukaku pësoi një lëndim.
Ai u detyrua të largohej nga fusha në minutën e 27`, pasi nuk arriti të vazhdojë më tej lojën.
Ishte trajneri i kombëtares belge që tha se lëndimi i sulmuesit nuk duket mirë.
“Nuk duket mirë. Ai përdredhi kyçin e këmbës”, tha Martinez për ‘HLN’, përcjell lajmi.net.
Belgjika do të përballet me Poloninë ndeshjen e radhës, e që Lukaku nuk pritet të jetë pjesë e ekipit.