Disa tifozë të Barcelonës kanë bërë thirrje të turpshme jashtë stadiumit për yllin brazilian të Real Madridit, Vinicius Jr.
Katalunasit ishin nikoqir të PSG-së në ndeshjen e kthimit çerekfinale të Ligës së Kampionëve ku u mposhtën me rezultat të thellë 1-4.
Janë publikuar pamjet në rrjetet sociale ku një numër i madh i tifozëve katalunas kanë kënduar në kor “Vinicius vdis”, video që është kritikuar shumë.
Megjithatë, një pjesë e tifozëve të klubit shfrytëzuan rastin për të sulmuar sërish Vinicius dhe kjo gjë nuk është diçka e re.
Gjatë paradës së tyre të titullit vitin e kaluar, disa u dëgjuan duke brohoritur ‘Vinicius vdis’ derisa Barcelona po festonte titullin e 27 në La Liga.
Rivaliteti mes Barcelonës dhe Real Madridit nuk ndalet kurrë, por thirrjet e tifozëve katalunas për vdekjen e një futbollisti janë të tepërta.
