Rishi Sunak do të njoftojë një paketë ndihme ushtarake prej 500 milionë funte për Ukrainën në luftën e saj kundër Rusisë, së bashku me ofrimin më të madh të municioneve të Mbretërisë së Bashkuar deri më tani.
Sipas mediave britanike, në paketë janë përfshirë rreth 400 automjete, 60 varka, 1600 raketa sulmuese dhe të mbrojtjes ajrore dhe katër milionë fishekë.
Njoftimi vjen gjatë një “rënieje” të Ukrainës pasi forcat ruse kanë fituar epërsinë javët e fundit.
Moska mori qytetin lindor të Ukrainës Avdiivka më 17 shkurt dhe ka përparuar që atëherë, duke pushtuar fshatra të tjerë, shkruan më tej Sky News.
Muajin e kaluar, Rusia nisi një sulm ajror në rajonin perëndimor të Ukrainës, Lviv, afër kufirit me Poloninë, ku një raketë fluturoi për një kohë të shkurtër në hapësirën ajrore polake, sipas Varshavës.
Kryeministri do të udhëtojë në Poloni të martën për të bërë njoftimin, i cili e çon ndihmën e Mbretërisë së Bashkuar në 3 miliardë funte – ndihmë ushtarake për Ukrainën këtë vit financiar.
