Sekretari i Përgjithshëm i NATO-s, Jens Stoltenberg, pas bisedës me presidentin e Serbisë, Aleksander Vuçiq, e ka telefonuar edhe kryeministrin e Kosovës, Albin Kurti.
Stoltenberg ka bërë të ditur se me të dy temë diskutimi ishte situata në veri të Kosovë, njofton Klankosova.tv
Ai ka kërkuar nga Kosova e Serbia që të mos ketë tensionim të situatës dhe t’i kthehen dialogut.
“Kam folur me Vuçiq dhe Kurtin për nevojën e de-përshkallëzimit të situatës në veri të Kosovës. Është vitale që Prishtina e Beogradi të tregojnë përmbajtje dhe t’i rikthehen dialogut. Mandati i KFOR-it mbetet sigurimi i një ambienti të sigurtë si dhe liria e lëvizjes për të gjithë”, ka shkruajtur Stoltenberg.
