Gjenerata U15 e KF Shkupi është shpallur kampione e Ligës Rajonale në Maqedoni për sezonin 2025/26, duke e mbyllur kampionatin me rezultate pozitive dhe paraqitje të qëndrueshme gjatë gjithë sezonit. Ekipi i të rinjve arriti të sigurojë kreun e tabelës falë organizimit në lojë, disiplinës taktike dhe performancave të mira në ndeshjet vendimtare.
Skuadra u drejtua nga trajneri Alisa Vishi, i cili gjatë sezonit punoi me grupin në zhvillimin teknik dhe taktik të futbollistëve, ndërsa koordinimin e gjeneratës e menaxhoi Ferdi Ismaili. Nga klubi theksojnë se ky rezultat është pjesë e fokusit afatgjatë në zhvillimin e akademisë dhe të futbollistëve të rinj, të cilët pritet të jenë baza e ekipit edhe në kategoritë e ardhshme.
Titulli i fituar nga U15 konsiderohet një sukses i rëndësishëm për akademinë e klubit, duke konfirmuar vazhdimësinë e punës me talentët e rinj dhe konkurrueshmërinë e ekipit në nivel rajonal.
