Vazhdon debati rreth procesit të së dielës si ditë jopune, gjithnjë në drejtim të sjelljes së një ligji të tillë, ndërsa diskutimet zhvillohen me të gjitha palët e prekura me qëllim të zgjidhjes më të mirë. Këtë e ka thënë sot ministrja për Punë dhe Politikë Sociale, Jagoda Shahpaska në Bërvenicë të Tetovës në hapjen e kopshtit të ri.
“Debati për të dielën si ditë jopune është legjitime, e hapur dhe vazhdon që MPPS ta vazhdojë procesin. Duam ta dëgjojmë zërin e të gjithëve në shtet lidhur me këtë propozim -zgjidhje ligjore. Qëllimi jonë është konform premtimeve që është ndërtuar si program qeveritar se e diela duhet të jetë ditë jopune. Përveç në aktivitetet që janë me rëndësi vitale për funksionimin e domosdoshëm të shoqërisë”, ka thënë ministrja Shahpaska.
Ajo ka informuar se javën e kaluar janë mbajtur takime onlajn bashkë me sindikatat, përfaqësues të punëdhënësve dhe odave. Për të premten është caktuar seancë e Këshillit ekonomik- social.
