Sanksionohen 75 vozitës në Saraj, 9 pa patentë shoferi

Në territorin e Sarajit gjatë ditë së djeshme janë shqiptuar 75 gjoba për shkelje në trafik, mes të cilave 9 për ngasje të makinës pa patentë shoferi, 8 për makina të paregjistruara dhe teknikisht të parregullta dhe 5 sanksione për përdorim të telefonit. Siç njoftojnë nga Ministria për Punë të Brendshme, janë shqiptuar edhe 8 gjoba për mosvënien e rripit të sigurisë dhe 7 për kalim në të kuqe në semaforë.

Nga MPB-ja njoftojnë se kontrollet e shtuara do të vazhdojnë edhe në ditët në vijim, andaj apelojnë për respektim të rregullave të trafikut me çka edhe do të rritet siguria në komunikacion.