Zgjedhjet e parakohshme parlamentare në këtë moment nuk janë zgjidhje për dalje nga problemet aktuale, ndërsa nismat e partive opozitare janë nxitur vetëm nga interesat partiake dhe dëshirat për marrje të pushtetit, është konkludimi i Partisë libaral-demokratike pas takimit të mbrëmshëm të Këshillit ekzekutiv.
“Tani është e domosdoshme e tërë energjia e politikanëve të kahëzohet drejt zgjidhjes së problemeve të qytetarëve të cilat janë shkaktuar nga kriza ekonomike dhe energjetike në Evropë”, thonë nga partia.
Sipas PLD-së, Qeveria ka mjaft kapacitete dhe profesionalizëm për t’u përballur me sfidat dhe t’u përgjigjet nevojave të qytetarëve.
“Prandaj kërkojmë të normalizohet puna e Kuvendit, i cili në këto momente të krizës duhet të punojë vetëm në interes të popullit, e jo për interesa të ngushta partiake të individëve apo grupacioneve”, shtojnë nga PLD.
