Blerja e Twitterit nga Elon Musk, pos të tjerash, ka prodhuar edhe një situatë interesante.
Me marrjen e menaxhimit të këtij rrjeti social, miliarderi amerikan duket se e “la keq” një futbollist të njohur.
Bëhet fjalë për Ryad Mahrez, të cilit iu kishte larguar shenja e kaltër pas emrit të tij e cila tregon se llogaria përkatëse është e verifikuar dhe personi në fjalë është figurë publike.
Ishte pikërisht Mahrez ai që bëri një tweet interesant duke kërkuar që “tick”-u t’i kthehet mbrapsht.
Kjo nuk vonoi shumë dhe algjeriani u verifikua përsëri si fytyrë publike në këtë rrjet social.
Një situatë e tillë prodhoi jo pak batuta me lojtarin në qendër të të gjithë kësaj katrahure të krijuar.
