Përmes një statusi në llogarinë e saj në ‘Facebook’, ka bërë të ditur për një koncert që do të mbahet në Dubai, shkruan lajmi.net.
Ministrja tregoi se tenori i famshëm kosovar, Ramë Lahaj, do të mbajë një koncert në Ditën e Pavarësisë së Republikës së Kosovës në Amfiteatrin Milenium në Dubai.
Ajo ka ftuar të gjithë bashkatdhetarët dhe qytetarët nga Kosova që duan të bëhen pjesë e ceremonisë, t’i marrin biletat falas për të hyrë në ‘EXPO 2020 Dubai’.
Postimi i plotë:
“Të nderuar qytetarë të Republikës së Kosovës, Për herë të parë Kosova po prezantohet në expozitën botërore ”EXPO 2020 Dubai” në mesin e 192 shteteve nga i gjithë globi.
Qeveria e Republikës së Kosovës e përfaqësuar përmes Ministrisë së Industrisë, Ndërmarrësisë dhe Tregtisë, ka marrë të gjitha masat që shteti ynë të prezantohet në formën më dinjitoze duke sjellur në pah potencialet dhe vlerat më të mira të kombit tonë. Për ti dhënë akoma më shumë vlerë kësaj paraqitje, tenori ynë i skenave ndërkombëtare njëherësh dhe Ambasadori i Kulturës, Rame Lahaj do të mbajë koncert në Ditën e Pavarësisë së Republikës së Kosovës, më 17 shkurt 2022 në Amfiteatrin Milenium në Dubai, prej orës 21:30 (18:30 – zona kohore e Kosovës).
Të gjithë bashkatdhetarët dhe qytetarët tanë në Kosovë, që duan të jenë pjesë e kësaj feste, ftohen ti marrin biletat falas për të hyrë në ”EXPO 2020 Dubai” me 17 shkurt 2022 . Ndërsa ceremoninë zyrtare të intonimit të himneve, e ngritjes së flamurit tonë, fjalimet përshëndetëse dhe paraqitjen e Ansamblit kombëtar të këngëve dhe valleve “SHOTA”, mund ti ndiqni prej orës 16:00 ( 13:00 – zona kohore e Kosovës), në të njëjtën ditë 17 Shkurt, në Al Was Plaza në Dubai. Të interesuarit mund të lajmërohen për biletat pa pagesë deri më datën 15.02.2022 në numrin e telefonit: +971506648749″./Lajmi.net/
