Gjatë ditës së djeshme Sindikata e pavarur akademike (SPA) ka realizuar takim me presidentin e shtetit, Stevo Pendarovski. SPA-në e përfaqësojnë Maja Stevanoviq, Mirjana Najçevska, Branimir Jovanoviq, Viktor Stefov dhe Elena Xhukeska.
Në takim u bisedua për problemet financiare me të cilat përballen universitetet, si dhe për rritjen e paralajmëruar të pagave prej 10 për qind, për të cilën Kuvendi i RMV-së ende nuk ka sjell vendim. Përfaqësuesit e SPA-së e përshëndetën iniciativën për rritjen e pagave për të punësuarit në universitetet publike, por theksuan se, për shkak të asaj që barra për shtesat për stazh bie tek universitetet, rritjet e tilla ah-hok mund në mënyrë shtesë ta rrezikojnë punën financiare të njësive të universiteteve, me ç’rast të punësuarit sërish nuk do të mund të hasen me këtë rritje. Përveç kësaj, përfaqësuesit e sindikatës e transmetuan qëndrimin e SPA-së për formimin e sindikatave të reja të universiteteve “Shën Cirili dhe Metodi” dhe “Shën Klimenti i Ohrit” nga ana e rektorëve, që paraqet përzierje të pakënaqshme në shoqërinë sindikale.
Presidenti Pendarovski shprehu mirëkuptim për problemet me të cilat përballet arsimi i lartë dhe e potencoi nevojën të ndërmerren hapa konkrete për zgjidhjen e problemeve të akumuluara në arsimin e lartë.
