Presidenti, Stevo Pendarovski sot realizoi takim me anëtarët e Komisionit Shtetëror për Parandalimin e Korrupsionit të udhëhequr nga kryetarja e komisionit, Biljana Ivanovska, përcjell GazetaExpress.
Ata e informuan Pendarovskin për punën e tyre aktuale aktivitetet gjatë procesit të ardhshëm zgjedhor, si dhe për Strategjinë kombëtare për parandalimin e korrupsionit dhe konflikteve të interesit (2020-2024) që duhet të miratohet nga Parlamenti.
Pendarovski vlerësoi se strategjia është bazë e mirë për tejkalimin e problemeve me përparësi që gjenerojnë rrezik të lartë të korrupsionit dhe shfaqi shpresë se zbatimi do të jetë transparent, gjegjësisht, opinioni do të jetë vazhdimisht i informuar për masat dhe aktivitetet e marra. Ai gjithashtu bëri thirrje për miratim sa më të shpejtë në Parlament, transmeton MIA.
Sipas Pendarovskit, është i domosdoshëm trajtim sistematik me korrupsionin dhe krijim i një sistemi të vlefshëm demokratik i cili do të jetë në përputhje me standardet dhe kriteret evropiane, për të cilën, siç theksoi ai, është i nevojshëm vullnet qartë i shprehur prej të gjithë aktorëve politikë në vend. Sigurimi i transparencës dhe koordinimi efektiv dhe bashkëpunimi ndërmjet institucioneve, sipas Pendarovskit, do të kontribuojë në uljen e korrupsionit dhe konsolidimin e demokracisë.
