Victor Osimhen e konfirmoi edhe në fundjavë formën e jashtëzakonshme nëpër të cilën po kalon.
Sulmuesi i Napolit e shënoi njërin nga dy golat e ekipit të tij në fitoren ndaj Sassuolot në fundjavë, 2:0, shkruan “Gazeta Express”.
Dhe, kjo bëri që futbollisti afrikan të përfundojë në podium të garës për Këpucën e Artë, respektivisht në vendin e tretë, duke e lënë prapa Harry Kanen e Tottenhamit.
Osimhen i ka realizuar 18 gola, që përkthehen me 36 pikë, pasi në ligat më të forta evropiane një gol llogaritet dy pikë.
Kurse, Kane mbetet në kuotën e 17 golave, respektivisht të 34 pikëve.
Përpara Osimhen gjenden Amahl Pellegrino i Bodo/Glimt me një pikë e gjysmë më shumë dhe lideri i padiskutueshëm, Erling Haaland, i cili i ka realizuar 26 gola deri tash në Premierligë, respektivisht i ka 52 pikë.
Më poshtë mund ta shihni Top 10 të kandidatëve për ta fituar Këpucën e Artë, përkatësisht për golashënuesin më të mirë në Evropë për edicionin 2022/23. /Gazeta Express/
1. Erling Haaland (Manchester City) 52 pikë
2. Amahl Pellegrino (Bodo/Glimt) 37.5
3. Victor Osimhen (Napoli) 36
4. Harry Kane (Tottenham) 34
5. Enner Valencia (Fenerbahçe) 30
6. Robert Lewandowski (Barcelona) 30
7. Kylian Mbappe (Paris Saint-Germain) 30
8. Jonathan David (Lille) 30
9. Folarin Balogun (Reims) 30
10. Kyogo Furuhashi (Celtic) 28.5
