Nis takimi i Ramës me ambasadorët për amnistinë fiskale

Kryeministri i Shqipërisë, Edi Rama, ka nisur takimin me ambasadorët e akredituar për të diskutuar për amnistinë fiskale.

Të pranishëm në këtë takim janë edhe ambasadorët e BE-së, SHBA-së dhe Britanisë së Madhe.

Projektligji për amnistinë fiskale është kritikuar nga Bashkimi Evropian, por edhe Shtetet e Bashkuara të Amerikës.

Pas përfundimit të takimit, nuk pritet të ketë një deklaratë për mediat.

Ditën e djeshme, Rama është shprehur i vendosur për të vijuar me nismën e qeverisë për amnistinë fiskale dhe penale për paratë e shqiptarëve.

Pas mbledhjes së Këshillit të Ministrave, numri një i qeverisë shqiptare theksoi se amninistia do të bëhet sepse e kërkon shumica e shqiptarëve. /euronews.al