Marrëdhëniet ndërmjet Cristiano Ronaldos dhe Manchester United nuk duken aspak të mira.
Për disa javë ylli portugez raportohet se është duke kërkuar që të largohet nga klubi dhe si pasojë e mos-gjetjes së një marrëveshje me skuadrër të re, raportohet se ai po bën edhe sjellje jo sportive në stërvitje dhe zhveshtore.
Kjo situatë mësohet se ka irrituar edhe bashkëlojtarët e tij të cilët tani po kërkojnë që ai të largohet pasi po ndikon negativisht në atmosferën brenda klubit.
Ndërkohë, menjëherë pas humbjes së rëndë (4-0) ndaj Brentfordit, “Sky Sport” raporton se klubi i ka thënë Ronaldos që duhet të ndryshojë urgjentisht sjelljen e tij, ose në të kundërtën ai është paralajmëruar me shkëputje të menjëhershme të kontratës.
Deri te përfundimi i merkatos kanë mbetur edhe dy javë dhe deri më tani asnjë skuadër e madhe nuk ka shprehur interesim për shërbimet e Cristiano Ronaldos.