I është nënshtruar plagëve Hamit Rama, 22-vjeçari nga Haraçina, i cili së bashkë me shokun e tij, Afrim Selimi, u lëndua rëndë pak orë më parë në një aksident të rëndë në afërsi të poliklinikës “Elife” afër restorantit Hollywood në Haraçinë, raporton gazeta KOHA. Motoçikleta në të cilën ishte Hamiti ishte përplasur keq veturën e llojit “Audi”, ndërsa Hamiti dhe Afrimi kishin “fluturuar” disa metra larg, për të përfunduar tek një shtyllën elektrike aty afër. I lënduar rëndë dhe në rrezik për jetën është edhe Afrim Selimi. (koha.mk)
