Në moshën 74 vjeçare ka ndërruar jetë gazetari Anton Sereçi. Ai humbi jetën si pasojë e virusit korona. Ishte i shtrirë për një kohë në Klinikën Infektive në Shkup, por sërish nuk arriti ta përballojë sëmundjen. Anton Marku Sereçi lindi më 22 .12.1947. Rrjedh prej një familje atdhetare, dhe të përndjekur nga regjimi komunist jugosllav. Sereçi është shkolluar në Shkup ku dhe e kaloi gjithë jetën. Fillimet e karrierës në radio i nisi në vitin 1971 si bashkëpuntorë në redaksinë e sportit. Me emisionet e tij ka kontribuar ne afirmimin e sportit dhe sportistëve shqiptar Maqedoni dhe jo vetëm. Gjatë viteve 1995- 1997 Sereçi ka ushtroi postin e Kryeredaktorit në Radio Shkup , ndërsa në vitet 1991- 2002 drejtor i programit të dytë në radion maqedonase. Anton Sereçi ishte një ndër përfaqsuesit më të denjë të komunitetit katolik në Shkup, ku dha një kontribut të madh në afirmimin e këtij komuniteteti dhe me këmbëngulje luftoi te gjithë ata që deshën ta përvetësojnë prejardhjen shqiptare të Gonxhe Bojaxhiuut- Nënës Terezë. Sereçi ishte kronist i jetës dhe veprës së Gonxhe Bojaxhiut-Nënë Terezës, si dhe simbol i katolikëve shqiptarë të Shkupit. Sereçi ka qenë mjaft aktiv në bashkëpunimin ndërfetar në Maqedoninë e Veriut, kurse një kohë edhe nënkryetar i Komisionit shtetëror për çështje fetare./Gazeta Lajm
