Bayern Munich e ka nisur mbarë aventurën në sezonin e ri të Ligës së Kampionëve, pas fitores 0-2 në udhëtim te Interi.
Bavarezët ishin më të mirë gjatë gjithë takimit, derisa shënuan falë Leroy Sanes dhe golin e dytë me një autogol të Danilo D’Ambrosios.
Trajneri i Bayernit, Julian Nagelsmann ka thënë se është i kënaqur me fitoren, por tha se duhej ta mbyllnin ndeshjen më herët.
“Nëse do ta marrim ndeshjen në tërësinë e saj, duhet të jemi të kënaqur sepse kemi kontrolluar gjithçka. Duke parë zhvillimin e takimit, unë mendoj se në pjesën e dytë duhet ta kishim goditur më herët kundërshtarin, duhet ta kishim mbyllur më shpejt takimin. Por pavarësisht kësaj unë mendoj se kemi fituar me meritë”, deklaroi Nagelsmann.
