Mourinho nuk i ndahet Xhakës, Roma planifikon ofertë të re për mesfushorin në verë

29-vjeçari ishte afër transferimit në Stadio Olimpico gjatë verës. Ai kishte rënë dakord për kushtet personale me ‘Giallorossi’, por të dy klubet nuk arritën të shtrëngonin duart për çmimin e lojtarit, kështu që Xhaka përfundimisht mbeti në Londër, duke nënshkruar një zgjatje të kontratës me ‘Topçinjtë’.

Si ‘Sky Sport’ ashtu edhe ‘La Gazzetta dello Sport’ raportojnë se ndërkombëtari zviceran është ende në fokusin e Mourinhos, megjithëse ‘Giallorossi’ mund të rifillojnë bisedimet me Arsenalin në fund të sezonit.

Ata tashmë kanë nënshkruar me Ainsley Maitland-Niles nga Gunners dhe Sergio Oliveira nga Porto dhe Xhaka është një opsion për 2022-23.

Sipas Sky Sport Italia, Jordan Veretout do të largohet nga klubi në verë nëse Roma merr një ofertë të përshtatshme dhe Xhaka mund të zëvendësojë francezin.