Moti sot do të jetë me diell dhe i ngrohtë me vranësira të vogla deri në mesatare. Do të fryjë erë e lehtë nga drejtimi jugor. Temperatura minimale do të jetë në interval prej 6 deri në 14 gradë, ndërsa maksimalja do të arrijë nga 21 deri në 28 gradë.
Vazhdon periudha e motit relativisht të ngrohtë. Vranësirat do të rriten nga mesdita e së mërkurës dhe reshjet e kohëpaskohshme të shiut do të përhapen nga perëndimi dhe do të përfundojnë gjatë natës. Në disa vende, sidomos në pjesët perëndimore, reshjet do të kenë intensitet mesatar dhe do të ketë kushte për paraqitje të gjëmimeve të rralla.
Të enjten dhe veçanërisht të premten priten reshje shiu kryesisht në pjesët perëndimore të vendit.
