Monaco ia ka vendosur çmimin lojtarit të saj premtues, Aurelien Tchouameni.
Kush dëshiron t’i sigurojë shërbimet e lojtarit, duhet të paguajë hiç më pak sesa 70 milionë euro.
Në bazë të asaj që raporton Fabrizio Romano, ish-kampionët e Ligue 1 nuk janë të gatshëm të negociojnë për asnjë ofertë që është nën këtë shifër.
Tchouameni po shkëlqen këtë sezon me “Monégaskët”, ku ka luajtur pothuajse në të gjitha ndeshjet e sezonit.
Francezi luan si mesfushor dhe është 22-vjeçar.
Për lojtarin deri më tani kanë shfaqur interesim Real Madrid, Paris Saint Germain dhe Manchester City.