Man Utd dhe Real Madrid do të ‘luftojnë’ për transferimin e sulmuesit Osimhen

Sulmuesi i Napolit, Victor Osimhen ka përfunduar në radarin e klubeve të mëdha evropiane dhe gjatë verës pritet të jetë një garë e fortë për shërbimet e tij.

Osimhen ka befasuar të gjithë me nivelin e treguar te napolitanët duke bërë për vete shumë klube evropiane.

Sipas mediumit Calciomercato, Manchester United dhe Real Madrid janë të vendosur të luftojnë për nënshkrimin e sulmuesit të Napolit, Victor Osimhen.

Të dy klubet mund të lëvizin për 23-vjeçarin në afatin kalimtar të verës, pavarësisht faktit se kontrata e tij aktuale nuk skadon deri në vitin 2025.

Napoli pagoi 70 milionë euro për të nënshkruar me Osimhen nga Lille në vitin 2020 dhe çmimi i tij thuhet se veç është rritur që atëherë.

Skuadrat që duan ta blejnë sulmuesin nigerian thuhet se duhet të paguajnë të paktën 100 milionë euro, pasi presidenti Aurelio De Laurentiis është i vështirë në negociata.

Ylli nigerian mburret me 21 gola nga 52 ndeshjet e tij të para për klubin nga Serie A.