Kryetari i ASH-së në Çair, Zudi Koka: Në Çair janë shtuar ndërtesat pa leje

March 17, 2021

Kryetari i Aleancês për Shqiptarët në Çair, Zudi Koka ka reaguar sot përmes një konference për media para Komunës së Çairit, në lidhje me siç thotë ai, përkeqësimin e jetës së qytetarëve të Çairit dhe dështimin e premtimeve nga ana e Visar Ganiut. E ashtuquajtura “Kontratë” e kreut të komunës, Ganiu, sipas Kokës, nuk u ka sjellur asnjë të mirë e asnjë investim kapital qytetarëve të Çairit. Koka theksoi se Visar Ganiu e ka vazhduar menaxhimin e keq me komunën ashtu siç kishte bërë para tij Izet Mexhiti, tani deputet, kryetar dege dhe nënkryetar i BDI’së, përcjell in7.

“Jeta e banorëve në Çair fatkeqësisht nuk ndryshoi asgjë në këto 4 vite, përpos që u përkeqësua, iu shtuan katet ndërtesave pa leje, u uzurpuan hapësirat e gjelbra dhe u degradua gjithçka. Kaosit në komunikacion, që premtohej se do t`i gjendet zgjidhje me ndërtimin e 4 garazheve në kate dhe 15 rrethrrotullimeve, fatkeqësisht nuk u bë asgjë as edhe në këtë drejtim. Premtohej madje edhe efikasiteti energjetik në ndërtesa, por edhe kjo mbeti vetëm një ëndërr për banorët e Çairit”, tha mes tjerash Zudi Koka nga Koalicioni Aleanca për Shqiptarët dhe Alternativa.

Sipas kreut të ASH’së në Çair, theksoi se kryetarët e BDI’së kanë dështuar me menaxhim në të gjitha komunat.

Deklarata e plotë e kryetarit të degës së Aleancës për Shqiptarët në Çair, Zudi Koka:

Të nderuara media dhe të dashur qytetarë, kur kanë mbetur edhe më pak se 7 muaj deri në mbajtjen e zgjedhjeve lokale, jemi këtu për t`ia përkujtuar kryetarit të Komunës, zotëri Visar Ganiut premtimet e parealizuara nga kontrata e famshme me të cilën ai mori besimin e qytetarëve. Në këto gati 4 vite qytetarët e Çairit nuk panë asnjë projekte investues e kapital në infrastrukturë, nuk panë asnjë projekt në arsim, kulturë apo në sport.
Jeta e banorëve në Çair fatkeqësisht nuk ndryshoi asgjë në këto 4 vite, përpos që u përkeqësua, iu shtuan katet ndërtesave pa leje, u uzurpuan hapësirat e gjelbra dhe u degradua gjithçka. Kaosit në komunikacion, që premtohej se do t`i gjendet zgjidhje me ndërtimin e 4 garazheve në kate dhe 15 rrethrrotullimeve, fatkeqësisht nuk u bë asgjë as edhe në këtë drejtim. Premtohej madje edhe efikasiteti energjetik në ndërtesa, por edhe kjo mbeti vetëm një ëndërr për banorët e Çairit.
Qytetarëve, e veçanërisht të rinjve iu premtohej një jetë më ndryshe me qendra rinore, hapësira rekreative dhe biblioteka, por as kjo nuk u bë, nuk u gjetën arsye as për kategorinë më vitale të shoqërisë të krijohen kushte më të mira. Jemi këtu gjithashtu edhe për t`i përkujtuar zyrtarët e lartë të BDI-së se kanë dështuar 100 për qind nëpër të gjitha komunat, në katër vitet e kaluara jeta e shqiptarëve fare nuk u përmirësua, përkundrazi u shtua kaosi, varfëria dhe u ashpërsua beteja e tyre për ekzistencë. Është për keqardhje fakti se Ganiu po e përfundon mandatin e tij të parë e të katërtin të BDI-së, ashtu siç e mori nga paraardhësi i tij, njëherit kryetar i degës dhe nënkryetar i partisë Izet Mexhiti…..Ju faleminderit.
ZUDI ENUZI KOKA
Koalicioni Aleanca për Shqiptarët – Alternativa

ARTIKUJ TË NGJASHËMMË SHUMË NGA AUTORI

Thaçi: Albin Kurti nuk ka asnjë njeri në RMV

Taravari: Do të kujdesëm që nga Kushtetuta të eliminohet përkufizimi fyes i gjuhës shqipe si “gjuhë tjetër që e flasin së paku 20% e...

Thaçi: Pa vendimin e Selës nuk do të arrinim të formonim Qeveri teknike

Regjim i veçantë komunikacioni të shtunën dhe të dielën në Shkup, do të ketë tubime parazgjedhore

Në komunat Dibër dhe Qendër Zhupë më shumë votues sesa banorë

ARTIKUJ TË NGJASHËM MË SHUMË NGA AUTORI