Krejt bota frikohen se do vdesin nga virusi, veç ne shqiptarët frikohemi se do vdesim nga uria

Kimete Berisha

Humori vazhdon…

Ne frikësohemi mos po vdesim urie, e jo nga virusi. Sepse ne s’po marrim masa kundër virusit, por kundër urisë.

E keni vërejt, gjithmonë ky popull u frikësu prej urisë, anipse është populli i vetëm në botë që e ka shpik idiomën “Askush nuk vdes uni”.

Miellin e kemi ble, por e kemi harru kvasacin. Pogaçës me sodë buke diqysh i vjen era. Plus duhet me ditë m’i qitë.

Vajzat e nuset e reja kanë fillu me shiku magjen si laborator, e miellin si eksperiment: Qysh qitet buka, moj?

Unë s’di valla, se jam shkollu.
Nuk kam pas unë kohë m’u mësu edhe me gatu bukë, allaile, kur mundesh me ble bukën.
As unë valla. Jam rritë me bukë t’bleme.

Ajo që din me qitë, nuk është ma.

Kur Filipi e angazhoi Aristotelin t’ia edukojë djalin, më së pari Aristoteli i tha Aleksandrit të Madh mësoje një zanat, se në rast rreziku, zotnillëku bjen i pari.
Pra, duhet me ditë me gatu, me shpurdh, me mbijetu, m’u kap prej fijes t’kashtës.

Nuk ka ndodh moti, më kujtohet si sot, kur e kam pas qitë bukën e parë n’ore (i thonë nore, sepse qitet shpejt, n’d’orë), e kam pas gatu në rrethana të jashtëzakonshme.

E kisha një mysafir të dashur dhe kisha qejf me nderu e kishe me ja qitë një pogaçe.
E thirra nanën në telefon, e pyeta qysh qitet pogaçja se më doli prej mendve, paskna harru (se edhe prej nanës po të vike inati me shpalos para saj paaftësinë).
Ajo më diktoi boll mirë: banja kështu, e banja ashtu. Dhe e qita, mendja jem e bana namin.
Kur e nxora prej furre, çka me pa,veç nallmet e drunit mund të krahasoheshin me të. Be po ju bëj, me ja pas hi dikujt me të n’rrobotë t’kresë e kishe lanë n’vend.

Më erdh inati, por mysafiri më donte shumë, më kishte shoqe, ndaj çkado që bëja unë, i dukej mirë. Se e kam zanat dështoj me njëfarë pafajësie dhe me njëfarë shprehje të butë t’ftyrës.

Nejse, e shtrova sofrën, ai shtirej kinse po ja kana, nuk u anku, ama mua më dul flaka. Femra mos me ditë me gatu, ja kajsh nanën. Nuk e rrokë.

Krjet nëse i din gruaja, nëse nuk din me gatu, s’konsiderohet grua.

Prej asaj dite, kurrë nuk gatuaj para dëshmitarëve, sidomos recetat e reja kur i eksperimentoj, i bëj pa medium, që në rast dështimi, pshton me ftyrë, i gjuan e s’të sheh kush.

Ju pata tregu, gjyshja ime e ndjera, kur i dështonte gjella, për m’e ju ikë kritikave, thoshte: kjo kripë ish kanë ma e njelmtë se herave tjera.

P.S. Edhe unë, mbasi u terru dola dje, n’tre dyqane të ndryshme me ble rezerva, Që demek, mos m’i ble krejt përnjeherë e me ra n’sy se “po tutna” mos po vjdes uni. Miell nuk gjeta. S’keni rren, diqysh u gëziova që s’gjeta miell, vetmevete thashë, hë, e shfrytëzoj rastin humbi peshë,
Pra, nevoja e pavetëdijshme (ndërdije) m’u dukë bukur edhe n’rast rreziku, flet më së miri për mua dhe për të gjithë juve që i keni ble rezervat e silikonit, bojën e vetullave, materialin e buzëve dhe ngjyrën e flokëve.