Koronavirusi, Arabia Saudite ndalon turistët e huaj të vizitojnë Mekën dhe Medinën

Pas shpërthimit të koronavirusit në Lindjen e Mesme, Arabia Saudite njoftoi se do të ndalonte të huajt të vizitonin vendet e shenja si Meka dhe Medina.

Ky vendim vjen si masë parandaluesese për përhapjen e koronavirusit në vend dhe për të mos ndikuar në ritualet dhe praktikat fetare, shkruan CNN.

”Vendi po pezullon përkohësisht vizitat në xhaminë e Profetit”. Turistët që vijnë nga vendet ku përhapet koronavirusi përbëjnë rrezik dhe gjithashtu do t’i mohohet hyrja. Këto masa janë të përkohshme, dhe janë duke u zbatuar “për të parandaluar ardhjen e koronavirusit në Mbretëri”, njoftojnë autoritetet vendase.