Ylli i Chelseat, N’Golo Kante është në plane të Barcelonës, shkruan “Mundo Deportivo”.
Kante shihet si pasardhës i kroatit Ivan Rakitiq, që po pritet të largohet nga Barcelona në verë.
Chelsea mund të ofrojë Kanten në një marrëveshje shkëmbimi me Philippe Coutinhon, pasi klubi londinez po shikon të shtojë një futbollist kreativ në radhët e veta.
Kante është duke u kërkuar edhe nga Real Madridi. Mesfushori 29-vjeçar ka luajtur 22 ndeshje këtë edicion dhe ka shënuar tre gola.
