Kandidati për president të Barcelonës, Victor Font, beson se mund ta bind Lionel Messin të qëndrojë në ‘Camp Nou’ edhe pas këtij sezoni.
Leo është në fundin e kontratës dhe nga janari, është i lirë të flasë me kë klub të dojë dhe të planifikojë të ardhmen.
Ai deshi të largohet edhe gjatë verës, por ish presidenti, Josep Bartomeu, nguli këmbë dhe duke ia përmendur disa herë që klauzola 700 milionë euro se është valide, edhe zyrtarisht përmes La Ligës, e mbajti atë në Camp Nou.
Sido që të jetë, në Barça janë të vetëdijshme që situata nuk është mirë dhe Messi po e mendon largimin, por kandidatët për president të Barcelonës në zgjedhjet që do të mbahen në janar, po bëjnë të pamundurën që me veprime të ndryshe të arrijnë ta bindin atë të qëndrojë në klubin ku kaloi pjesën më të madhe të jetës.
I fundit që ka folur lidhur me këtë është Victor Font.
“Jam i bindur që me një projekt konkurrues, emocionues dhe, veçanërisht në rastin e Messi, afatgjatë – një që mund të shkojë edhe përtej ditës kur Messi del në pension – ne do ta bindim atë të qëndrojë”, tha Font për ESPN.
“Messi është lojtari më i mirë në historinë e këtij sporti, numri 1 në botë. Imagjinoni se çfarë do të thotë kjo”.
“Për atë arsye, Messi-Barca është një lidhje e veçantë dhe ne duhet të bëjmë gjithçka që është e mundur për të garantuar që kjo të vazhdojë”.
“Duke pasur parasysh se ai mund të flasë me klube të tjera në janar, telefonimi i Messit (nëse fitoj zgjedhjet) duhet të jetë prioritet”.
“Messi, mbi të gjitha, është një person që e do Barçën dhe ajo që dëshiron është të fitojë”.
“Sigurisht, lojtari më i mirë në botë dhe më i miri i të gjitha kohërave do kualitet dhe konkurrencë. Ai do të vazhdohet të fitohet”.
“[Paga e tij] është një nga gjërat që duhet të rregullohet. Niveli i të ardhurave në periudhën afatshkurtër dhe për sezonin e ardhshëm është në ajër. Kjo varet nga ajo që ndodh me tifozët që kthehen në stadium”.
“Messi është një tifoz i Barcës dhe ai e do Barçën siç e bëjmë të gjithë. Ai ka qenë këtu për shumë vite, që kur ishte 13 vjeç, dhe unë jam i sigurt se pavarësisht nga ajo që ai dëshiron të bëjë [me karrierën e tij është] të vazhdojë të fitojë… pasioni dhe dashuria e tij për klubin është më shumë se gjithçka tjetër”.
