Luka Modric u ‘çmend’ në fund të ndeshjes Kroaci – Turqi në kualifikueset për Euro 2024, pasi u kap nga kamerat duke ofenduar gjyqtarin pas një vendimi.
Kombëtarja kroate e futbollit mbrëmë ka bërë një surprizë të pakëndshme për tifozët e saj duke humbur 1-0 nga kombëtarja turke në Osijek.
Me këtë, kombëtarja e tretë e botës nga “Katar 2022” rrezikon ndjeshëm kualifikimin e saj për në Kampionatin Evropian “Gjermani 2024”.
Padyshim që kjo disfatë ishte e rëndë për kroatët dhe këtë e dëshmon edhe reagimi i kapitenit Modric në fund të lojës.
Gjegjësisht, gjyqtari Anthony Taylor e ndërpreu një nga këndoret e Kroacisë për shkak se Lovro Majer e ekzekutoi shumë shpejt, ndaj anglezi urdhëroi që të përsëritet.
Ai vendim tërboi mesfushorin legjendar, i cili e ofendoi Taylorin duke e quajtur “tullac”, gjë që lexohet qartë nga buzët e tij.
Për shkak të pakënaqësisë së tepërt, gjyqtari anglezi i dha një karton të verdhë mesfushorit të Real Madridit.
